Cuñas en que o noso centro, o IES de Pastoriza, anuncia a través da súa radio as actividades que programa para que a súa propagación sexa a máis sinxela posible.

Club de lectura, festivais, visitas...

Cuñas en que a radio do IES de Pastoriza intenta concienciar ao alumnado do centro de valores sociais e cívicos tan importante como a IGUALDADE DE XÉNERO, a IGUALDADE ENTRE AS RAZAS...

Programa da radio do IES de Pastoriza que se emite no episodio dos venres. Neste programa relatámoste frases ou ditos de filósofos, científicos... Relatámoste frases que marcaron a historia.

Informativo da radio que se emite nos EPISODIOS DIARIOS. Nel, Radio Furoca informa aos seus oíntes das noticias máis frescas centrándose principalmente en Arteixo, A Coruña e Galicia.

Programa da radio do IES de Pastoriza que é emitido os martes.​

Nel, os nosos compañeiros e compañeiras da clase de 3º PMAR, cóntannos curiosidades sobre as linguas de todo o mundo.

Programa de Radio Furoca que se emite no EPISODIO DIARIO dos luns. Nel, Paula Pérez e Jamily Fentanes deléitannos con poemas de creación propia que nos deixan ANONADADOS.

Programa da radio que se emite no RESTAURANTE OCIO & CULTURA dos venres.

Nel, Lucía Villaverde e Élida Barrela, recoméndante os mellores libros para que os vaias buscar á nosa biblio.

Programa da radio do IES de Pastoriza que se emite no episodio dos luns. Neste programa, contámosche os pasos que debes seguir para preparar as mellores receitas e o que necesitas.

Programa no que Jara Rdguez. e Hugo Núñez escollen unha película para recomendarcha e que teñas unha referencia para ver.

Desfruta escoitando un resumo do filme, iso si... SEN SPOILERS!!!

Programa da radio do IES de Pastoriza que estreamos despois do Nadal e no que as nosas pandereteiras favoritas tócannos cada semana pezas do folclore galego.

VIVA A CULTURA GALEGA!!!

Espazo da radio do IES de Pastoriza que se emite no EPISODIO DIARIO dos mércores. As nosas compañeiras Paula Pérez e Sofía Castro encárganse de contarnos curiosidades INTERESANTÍSIMAS!!!

Programa da radio do IES de Pastoriza que é emitido os martes.

Nel, Aroa Gantes cóntanos algunha historia a modo de conto para que lle intentemos atopar a moralexa que leva agochada.

Programa que forma parte do EPISODIO DIARIO dos mércores. É a sección radiofónica adicada ás palabras. Montse Collazo (profesora) e Rubén Martínez cóntannos curiosidades sobre a lingua.

O programa máis gracioso que ten a radio do IES de Pastoriza é EL RINCÓN DE LA RISA. Programa emitido nos EPISODIOS DIARIOS dos martes. Elis Vázquez cóntanos os chistes máis ocurrentes.

Programa da radio do IES de Pastoriza en que contámosche a vida dalgunhas das mulleres científicas máis importantes da nosa historia. Porque non hai traballos só de homes.

Programa de Radio Furoca en que falamos sobre o tráfico e sobre a seguridade vial. Tratamos temas como os beneficios do coche eléctrico, o significado dos sinais... 

Candela Gavilán 'conduceo'.

Programa da radio do IES de Pastoriza en que che contamos unha historia feliz para intentar sacarche un sorriso e que vexas a vida con outra visión diferente.

Sobre animais, bebés, rescates...