Un ano máis está a chegar a fin do curso 2018-19 e, como xa vén sendo habitual, Radio Furoca celebrou unha festa en recoñecemento do profesorado e alumnado que forma a pequena gran familia da radio do IES de Pastoriza.
Para algúns dos colaboradores é o seu último ano na nosa radio, debido a que cursaron 4ª da ESO e marchan a outros centros para rematar coa sua formación de cara a poder entrar no mercado laboral. Neste senso queremos facer un recoñecemento a catro alumn@s: Adrián Barbosa (4ºA), Lucía Araujo (4ºC), Michelle López (4ºB) e Valentina Vázquez (4ºB).
Outros aínda teñen 3, 2 ou, soamente, 1 curso máis para desfrutar de Radio Furoca.
Todos eles levaron agasallos: o DVD onde se recollen todos os programas do curso, unha memoria USB de 4 ou 8 xigabytes, unha chapa, unhas lambetadas e unha camiseta co deseño de Radio Furoca deste 13ª ano de vida e da cor elixida por cada un.
Tamén, e como paso para ir recibindo os diferentes agasallos, foise visualizando na pantalla do Salón de Usos Múltiples do IES de Pastoriza, unha presentación preparada por Luis Miguel onde se ían nomeando aos diferentes alumnos participantes a través do nome dun micrófono.
Foi un evento que comezou no 2º recreo do día (12:20h) e durou até a metade da seguinte hora.
GRAZAS A TODOS E TODAS OS NOSOS COLABORADORES E COLABORADORAS, AGARDÁMOSVOS O VINDEIRO CURSO ESCOLAR
LIGAZÓNS RELACIONADAS CON ESTA ENTRADA