Ao igual que en ocasións anteriores, a festa estivo aderezada cos concursos de disfraces (de índole individual e comparsas) e o concurso gastronómico. O nivel de ambos concursos foi altísimo debido á dedicación do alumnado e profesorado do centro na realización dos disfraces e da comida típica destas datas.
A organización do festival correu a cargo dunha chea de alumnos e alumnas do insti e especialmente das dúas profesoras de Galego, Mari e Fani. Ademais, o xurado dos concursos estivo conformado por alumnado (do segundo ciclo da ESO) e profesorado.
Adrián Ordóñez encargouse de amenizarnos a festa musicalmente e Pablo Añón realizou unha reportaxe fotográfica conformada por cento setenta e sete imaxes e un vídeo dunha duración superior aos vinte minutos (o que se atopa na parte superior desta entrada).
Por último, debido a esta celebración excepcional, Radio Furoca non emitiu a súa programación habitual dos venres. A través da megafonía emitíronse, como é normal nos días de festa, diferentes cancións durante ambos os recreos.
GRAZAS A MARI, FANI E TODO O ALUMNADO ORGANIZADOR POR PREPARAR ESTÁ XORNADA FESTIVA E POR FACER DESFRUTAR A TODA A COMUNIDADE EDUCATIVA... BO ENTROIDO E O DÍA 27 VOLVEMOS!!!
LIGAZÓNS RELACIONADAS CON ESTA ENTRADA