Radio Furoca non descansa nin durante as vacacións de verán e é que a radio do IES de Pastoriza acaba de habilitar a través desta mesma páxina web os diferentes podcast de todos os programas realizados durante o recente rematado curso 2018-19.
Deste xeito, todos os audios dos diferentes programas que se gravaron durante ese curso están a disposición de todos os usuarios desta web.
Para poder acceder a eles hai dúas opcións: a primeira delas e no propio APARTADO DE PODCAST (elixir o curso desexado, de momento só está dispoñible o 2018-19, e premer sobre o botón do programa a escoitar). O outro xeito é no APARTADO DE PROGRAMAS premendo sobre a imaxe dos programas dispoñibles (esta opción só estará dispoñible até o comezo do vindeiro curso escolar, cando se renove a información dese apartado).
Ademáis, aproveitamos para informar que esta mesma labor que se realizou en xornada estival para o curso 2018-19 realizarase a medida que se vaian emitindo os programas durante o curso 2019-20.
DESEXÁMOSVOS UN BO RESTO DE VACACIÓNS, VÉMONOS O 16 DE SETEMBRO E ESCOITÁMONOS DE NOVO EN OUTUBRO!!!
LIGAZÓNS RELACIONADAS CON ESTA ENTRADA
Comments